لا للنقاب بعد اليوم

بغض النظر عن موقفك من النقاب وبحيادية مارأيك بقرار السيد الوزير بمنع المنقبات من التسجيل بالجامعة، شو الايجابيات والسلبيات الي بتشوفها بهيك قرار
طيب ...
أول شي إن شاء الله يكون قرار مو مقرّر ..
تاني شي صيغة القرار كانت غريبة جدا يعني هالكلام مثلا..

ولفت وزير التعليم العالي, بحسب المصدر, إلى أن "طلابنا هم أبنائنا لن نتركهم عرضة لأفكار والعادات المتطرفة", مشيدا بـ "أخلاق المجتمع السوري الذي اثبت على مر العصور الوعي والقدرة على التصدي للكثير من العادات السيئة وشارك بفاعلية وجدية في ضد حملات الغزو المنظمة", داعيا في الوقت نفسه إلى "التعاون مع مختلف شرائح المجتمع لنشر الوعي بين أبنائه]
عادات متطرفة - عادات سيئة - غزو منظم - نشر الوعي ....
هالكلمات لازم تكون مو بهيك قرار لازم تكون بقرارات كتير تانية لمّا تصدر بعد وما بعرف إذا في تصوّر إنو تصدر ...
أنا سوري وأفتخر بوطني ..هومتجذر فيني إلى أعماقي وكم أسعد عندما يسمو ويسمو وعنجد بتألم من داخلي لمّا بشوف بلدي عبيذبل شوي شوي ومن الداخل لا من الخارج ....
ما معنى أن نفتخر على الفضائيات وبكل مكان بتاريخنا المشرّف بباب الحارة وبعدين ننسف مشهد أساسي من مشاهد تلك الحارة ونقول هي ليست من تقاليدنا وهي عادات متطرفة ...
ببساطة أجدادنا كانوا متطرفين هذا غير معقول ...
أنا لا أنظر للأمور من منظور ديني أبدا فهناك اختلاف في قضية النقاب وفي الاختلاف رحمة ولكن تلك المرأة القوية التي تضع النقاب وتدخل الجامعة وتريد أن تثبت نفسها وتتحدى كل الضغوط ونظرات المجتمع ككل هي امرأة عظيمة لاشك وعندها من الإرادة ما يوجب الاحترام شئنا أم أبينا ...
هل من السهولة أن تتخذ الفتاة قرار خلع النقاب وهل الكثير من الأسر تتفهم هذا؟؟؟
صدقيني يا بيلز ما عبحكي هالكلام من منظور ديني أبدا بل من منظور إنساني بحت ...
ماعبحسن أتخيل منظر تلك المرأة التي تحدت كل الظروف يقال لها بلحظة انتهى حلمك ببساطة؟؟؟
أبناء الأسر السورية التي تحدث عنها القرار أصلا يتقذذون من منظر المنقبة ويبتعدون عنها أينما ذهبت ولا أحد يجبرهم أن يختلطوا بها فماذا يضايقهم في الموضوع ؟؟؟؟
يقول قائل من غير المنطقي أن تدخل المنقبة المحاضرة وتتأقلم مع جو الجامعة ...يعني والله صعب أتخيل (قال لي أحدهم ..)...
غريب عنجد يعني مابعرف إما أنا مالي إنسان أو أن الإنسانية تقذمت ...
هي إنسان له كيان ومشاعر وأحلام تحب وتحلم وتبتسم وتعمل ... وإذا هي اتحدت الظروف وإرادتها قوية فنحن لازم نفرح أن مجتمعنا متنوع وبالوقت ذاته منتج ....
أنا عبحكي عن نفسي - رأيي الشخصي فقط - أي حدا عندو فكر صحيح كتير نقاط جوهرية بشوف لازم يعاد النظر بها وجامعتنا التي احتفلت بعيدها الخمسين - على ما أعتقد - من حقها أن ترى جيلا واعيا يعرف مسؤولياته .. من العجز أن نهتم بالقشور والجوهر لاشيء يذكر...
ما بعرف يمكن طوّلت بهي النقطة بس لأن بلدنا أغلى ما نملك والمغتربين اللي في تزايد لازم نعرف ليش راحوا ..العقول السورية ... لازم ننتبه للدموع اللي بتتألق بعيونن لما بسمعوا اسم بلدن ونفكر ليش؟؟؟...
بس ...

القصة انو بغض النظر عن النقاب والقانون بس انا بعرف ناس منقبين وما بصلو

بس للاسف هاد امة الجهل انن يستخدمو النقاب فقط للعادات والتقاليد وهنن ما بطبقو تعاليم الدين ابدا
بس الحمد لله على كل حال
وتقبلو مروري

» ماتزرعه اليوم ستحصده غداً
» شو النكتة اللي ع بالكم اليوم ...